TURBINA

"Dito po ang sakayan patungong cavite..." 

paulit-ulit na naririnig sa speaker 

na nananawag ng pasahero sa turbina... 

at dahil tuwing lunes ng madaling araw ako 

nag-aabang dito ay halos nakabisado ko na

"Ang tyaga naman ng aleng 'to 

na namumulot ng mga bote ng mineral

nang ganito kaaga", sabi ko sa sarili habang iniisip 

kung pa'no nya gustong simulan ang araw pagkatapos ng pasko

Siguro'y ibebenta at ang kikitai'y ipapakain sa mga anak.

Bitbit pa nya ang backpack

habang may mga dumarating nang pasahero papuntang Cavite

Wala paring dumarating na van mula nung umalis yung inabutan ko

Humaba na yung pila hanggang sa natawa nalang ako sa reaksyon ng mga nagtatanong na...

"Kuya dito po papuntang cavite?"

Sabi ng utak ko, "hindi , hindi, hindi ate... bingi lang?

kaya nga un yung sabi sa speaker diba

Wala namang ibang sasakyan para kalituhan"

Sabay turo ng dispatcher kung saan pipila...

Natatawa 'ko sa reaksyon mga mukha ng bawat nagtatanong na magkakatulad pa ng eksena

Meron pang balak manggulang

dahil pumwesto sa unahan kahit bagong dating lang xa

Dedma-dedmahan sa pila,

Paglingon sami'y nakaramdam siguro ng panlalamang sa kapwa

ayun, pumila rin si ate...

Mamimiss ko 'to...

yung gigising ng 1am babyahe papuntang Cavite at papasok ng bangag

Mawawala lang ang masamang pakiramdam na yun pag nakahigop n ng mainit na kape

Mamimiss ko din yung mga alaga ko dun

at syempre mga kasamahan sa staff house

Mejo tumagal din ako dun, siguro may iba talaga'ko gustong gawin at pagkaabalahan

Teka lang madrama na...

Ayun buti nalang may dumating nang van makakasakay na'ko at 5:30am na

Sana di ako ma-late, sabay daan ulet ung ateng namumuot ng plastic na bote

Nagulat ako sa isang sakong bitbit nya na punung puno ng pinamulot nya

Mahalaga talaga ang bawat minuto't oras...

Akalain mong ako magbabyahe palang, si ate nakapag trabaho na agad...

Saludo talaga'ko kay ate~!!!!! yeah